A Man’s a Man For a’ That − Breizh Partitions

Breizh Partitions


Breizh Partitions

A Man’s a Man For a’ That

A Man’s a Man For a’ That」是為蘇格蘭風笛整理的斯特拉斯貝舞曲樂譜。此樂譜來自蘇格蘭。此曲為傳統音樂,成曲於1795。

作曲 傳統(1795年)
作詞 羅伯特·伯恩斯
地區 歐洲歐洲 > 英國英國 > 蘇格蘭蘇格蘭
風格 斯特拉斯貝舞曲
樂器 蘇格蘭風笛
調性 降E大調
節拍 2/4
授權 未知授權


格式 下載 大小
txt A_Man’s_a_Man_For_a’_That.txt  1.39 KiB
gif A_Man’s_a_Man_For_a’_That.gif  15.15 KiB
bww A_Man’s_a_Man_For_a’_That.bww  1.52 KiB
midi A_Man’s_a_Man_For_a’_That.mid  4.29 KiB


A Man’s a Man For a’ That

    Is there for honest poverty
    That hings his head, an a' that?
    The coward slave, we pass him by -
    We dare be poor for a that!
    For a' that, an a' that!
    Our toils obscure, an a' that,
    The rank is but the guinea's stamp,
    The man's the gowd for a' that.

    What though on hamely fare we dine,
    Wear hodden grey, an a' that?
    Gie fools their skills, and knaves their wine -
    A man's a man for a' that.
    For a' that, an a' that,
    Their tinsel show, an a' that,
    The honest man, tho e'er sae poor,
    Is king o men for a' that.

    Ye see yon birkie ca'd a lord,
    Wha struts, an stares, an a' that?
    Tho hundreds worship at his word,
    He's but a cuif for a' that.
    For a' that, an a' that,
    His ribband, star, an a' that,
    The man o independent mind,
    He looks an laughs at a' that.

    A prince can mak a belted knight,
    A marquis, duke, an a' that!
    But an honest man's aboon his might -
    Guid faith, he mauna fa' that!
    For a' that, an a' that,
    Their dignities, an a' that,
    The pith o sense an pride o worth,
    Are higher rank than a' that.

    Then let us pray that come it may
    (As come it will for a' that),
    That Sense and Worth o'er a' the earth,
    Shall bear the gree an a' that.
    For a' that, an a' that,
    It's coming yet for a' that,
    That man to man, the world, o'er
    Shall brithers be for a' that.